hackerspace

Ова репо го содржи статичниот сајт на хаклабот КИКА којшто е напишан со помош на Jekyll и Liquid.

Вебсајтот содржи мал систем за настани (следен настан, минати настани), блог и информации.

Зошто статичен сајт и зошто не WordPress?

GitHub нуди бесплатно хостирање на статични сајтови коишто се пишувани во Jekyll. Исто, статичните сајтови не користат backing services (на пример: датабази, мејл), при што на некој начин се безбедни од напади од видот на SQL injection и слично.

Сајтот сервира претходно генериран HTML према клиентот и тука завршува приказната.

Како функционира додавање настан или блог пост?

Настаните и блог-постовите се обични Markdown фајлови коишто се чуваат во папките _events и _posts, соодветно.

Секој фајл во папките _events и _posts треба да ги содржи следниве два дела:

1. Детали за настанот или блог-постот од видот на: наслов, автор, датум...
2. Содржина

Детали за настанот или блог-постот

За настани:

---
title: "Учиме да лемиме!"
author: "Некојси"
layout: "event_post"
start_date: "2019-02-01T14:00:00Z"
end_date: "2019-02-01T15:00:00Z"
---

За блог-постови:

---
title: "Како поминавме на НСНД19"
author: "Некојси"
layout: "blog_post"
date: "2019-01-26T14:31:01Z"
tags: "nsnd moravice"
category: "other"
---

Детали + содржина

---
title: "Учиме да лемиме!"
author: "Некојси"
layout: "event_post"
start_date: "2019-02-01T14:00:00Z"
end_date: "2019-02-01T15:00:00Z"
---

Во петок ќе учиме да лемиме во #хаклаб! Секој што
сака да научи е добредојден. :)

Делот со детали може да се пишува мануелно, но е мачно, за таа цел постои алатката којашто ќе го убрза целиот процес на креирање настан или блог-пост.

Сега кога ги имаш двата дела напишани во фајлот, следно е да му дадеш име. Името на фајлот треба да биде во следниов редослед:

YYYY-MM-DD-some-short-title.md

Каде што:

• YYYY - година
• MM - месец
• DD - ден

Значи:

Додавање на настан / блог-пост

• Креирај сметка на github
• Побарај пристап до skopjehacklab заедничкото репо
• Влези во _events или _posts папката на ова репо
• Кликни на Create new file
• Посети ја алатката и копирај ги деталите
• Залепи ги деталите во фајлот и под нив напиши содржина
• Дај му име на фајлот според горенаведеното
• Напиши commit порака и commit-ни го фајлот

Како да се снајдам наоколу?

• _layouts - секој настан или блог-пост има свој layout или распоред по кој што ќе се генерира HTML-от.
• _includes - овде стојат фајловите во видот на header.html и footer.html коишто ги содржи секоја страница на вебсајтот.
• assets - CSS, JS, слики, икони и слично.
• blog - изгледот на блогот и страницата која ги сортира блог постовите по лепенки и категории.
• index.html - главната страница
• donations.html - страницата за донации
• events.html - страницата за настани
• faq.html - страницата за ЧПП.
• members.html - страницата со информации за местото и чланарината

Битно

• _posts - овде стојат блог постовите
• _events - овде стојат настаните
• _config.yml - овде стои конфигурацијата на целиот вебсајт, мени за навигација, ЧПП, линкови, плагини и слично.

Додавање на ЧПП или нов линк во менито за навигација се врши во фајлот _config.yml.

Како да пријавам баг или да додам нешто на сајтот?

Багови и грешки во вебсајтот се пријавуваат во Issues на ова репо. За да поправиш грешка или додадеш нешто на сајтот (ова НЕ вклучува настан и блог-пост) отвори нов Pull Request и побарај некој да го провери.