dúbida sobre validación de frases con pausas en commonvoice (opción "Escoite")

[abubelinha]

Ola.
Teño dúbidas sobre como proceder con algunhas das frases que escoito nesta páxina:
https://commonvoice.mozilla.org/gl/listen

Hai casos nos que entendo perfectamente cada unha das palabras da frase pronunciada.
Pero a voz non interpreta correctamente os signos de puntuación que aparecen -ou non- na frase escrita (eliminando ou -máis frecuentemente- introducindo pausas no momento da lectura).

Texto escrito	O que eu escoito	problema
Con el rematamos.	Con el, rematamos.	introduce pausa
Non é só responsabilidade duns ou doutros	Non é só responsabilidade duns, ou doutros	introduce pausa
O home quixo saber algo máis da vida que Roxelio facía en Barcelona.	O home quixo saber algo máis, da vida que Roxelio facía en Barcelona.	introduce pausa
É un pastel de chocolate pequeno típico da gastronomía dos Estados Unidos de América.	É un pastel de chocolate pequeno típico, da gastronomía, dos Estados Unidos de América.	introduce pausa
O cal constituía unha situación excepcional naquel período histórico.	O cal constituía, unha situación excepcional, naquel período histórico.	introduce pausa
O mal tempo en agosto no canto de escorrentar aos turistas e visitantes, atráeos	O mal tempo en agosto no canto de escorrentar aos turistas e visitantes atráeos	elimina pausa

As palabras enténdense perfectamente e sospeito que moita xente aceptaría algunhas destas frases como válidas.

En caso de dúbida sempre podemos "saltar" a frase, pero estaría ben engadir este tema das pausas nas directrices que aparecen aquí en Galego (sospeito que traducidas do Inglés, aínda que non o teño moi claro):
https://commonvoice.mozilla.org/gl/guidelines?tab=voice

Neste foro falan algo máis do tema, pero unicamente en Inglés (penso que é onde se discuten as directrices que aparecen na versión orixinal do enlace anterior):
https://discourse.mozilla.org/t/discussion-of-new-guidelines-for-recording-validation/36465