digprint-arm.md

layout	title	menu	order	lang	ref	permalink
page	Թվայնացում (Տպագիր/Պատկեր)	true	4	arm	digprint	/digprint-arm

Թվային կորզման և հետմշակման ուղեցույցներ Nikon D810 թվայնացման լրակազմի համար

Սարքավորումների ցանկ

1. Nikon D810 տեսախցիկ

2. Տեսախցիկի ոսպնյակներ

• Փոփոխական կենտրոնացման ոսպնյակ (24 - 120մմ)
• 60մմ հիմնական ոսպնյակ (Նշում. Սա նախընտրելի վերարտադրության ոսպնյակն է)

3. Տեսախցիկի մարտկոցի լիցքավորիչ

4. Լուսավորման լրակազմ. Լուսարձակման գլխիկներ, լիցքավորիչ, մարտկոցների փաթեթ, լրացուցիչ մարտկոցներ, պայուսակ

5. Լուսավորման լրակազմի երկարացման մալուխներ (2)

6. Փափուկ տուփեր (2)

7. Արագության օղակներ (4) Նշում. Միայն 2-ն են անհրաժեշտ, մյուս 2-ը պահուստային են՝ կոտրվելու դեպքում օգտագործվելու համար:

8. Լուսավորության կանգնակներ (2) -Սրանք հակադիր կանգնակներ են, այսինքն դրանք նման կլինեն Նկար 1-ին, մինչև որ ամբողջությամբ երկարաձգվեն, որից հետո կնմանվեն Նկար 2-ին:

9. Անլար հեռակառավարման վահանակ, որը կառավարում է լուսարձակումը: Պահանջում է 2 AAA մարտկոց:

10. USB3 մալուխ՝ համակարգչին կապակցելու համար

11. Եռոտանի՝ 90-աստիճանի ընդունակ կենտրոնական սյունով

12. Եռոտանու գլխիկ և արագ արձակման ափսե

13. Մալուխի փականի թողարկիչ

14. XRite Color Checker (Գույնի ստուգիչի) հղման թիրախ և ծրագրաշար

15. Հիշողության քարտեր

16. Սարքավորումների տեղեկագրքեր

• Nikon D810
• Nikon 60mm lens
• Profoto B2 Location Kit
• Manfrotto Geared Tripod Head 410
• Manfrotto Carbon Fiber Tripod with Center Column MT055CXPRO

17. Փոշու հեռացման գործիք՝«Rocket Air Blaster»

18. Նկարահանումների լուսավորման ղեկավարման սարք և նկարչի երիզներ

19. Միկրոֆիբրե մաքրող կտորներ

20. Արտաքին կոշտ սկավառակներ (կարող են տարբերվել)

21. AAA մարտկոցներ«Profoto TTL Air Remote»-ի համար

22. Զսպանակեռիկներ, ռետինե լարեր, սարքի կապեր

23. Գունավոր պաստառի թուղթ

Նախակորզման նախապատրաստություն

• ՎԵՐԱՆԱՅԵՔ ՑՈՒՑՈՒՄՆԵՐԻ ԲՈԼՈՐ ՁԵՌՆԱՐԿՆԵՐԸ ԵՎ ՓԱՍՏԱԹՂԹԵՐԸ
• Թվայնացման ենթակա միավորները ըստ չափի խմբավորեք՝ խուսափելու կորզման ժամանակ տեսախցիկը և եռոտանին չափից ավելի հաճախ կարգաբերելուց:
• Նյութերի հետևում կայուն, հակադրող ետևի պլան օգտագործեք: Կատարյալ կերպով ետևի պլանը պետք է հակադրությամբ տարբերվի փաստացի նյութերից և նախընտրելի է, որ սև կամ սպիտակ լինի: Սա օգնում է ինքնաեզրատման դեպքում:
• Որոշեք, թե արդյոք նյութերը, որոնք պետք է տեսախցիկով լուսանկարվեն հորիզոնական դիրքով լինեն, թե վերևից՝ օգտագործելով եռոտանու կախովի կենտրոնական սյունը:
• Նկարեք այնպիսի տարածքում, որտեղ մութ պատեր և քիչ պատուհաններ կան:

Տեսախցիկի և ոսպնյակի կարգավորում

1. Նախքան սկսելը վերանայեք տեսախցիկի և ոսպնյակի տեղեկագրքերը:
2. Տեսախցիկը և ոսպնյակը դրեք մաքուր մակերեսի վրա՝ փոշի չեղող սենյակում:

• Հեռացրեք ոսպնյակի առջևի և ետևի գլխիկները:
• Տեսախցիկից հեռացրեք կափարիչը:
• Օգտագործեք փոշու հեռացման գործիքը («Rocket Air Blaster») մաքրելու ոսպնյակի առջևի և հետևի ապակու վրա եղած փոշին:

3. Ոսպնյակները կցեք տեսախցիկին:Ոսպնյակի բացվածքի/կապակցման ինդեքսի գիծը հավասարեցրեք տեսախցիկի վրա առկա սպիտակ «Lens Mounting Mark»-ի հետn (տե՛ս Nikon D810-ի տեղեկագրքի գծագիրը, էջ 2, կետ 11):

Օրինակ.

ՈՍՊՆՅԱԿԻ ԿԱՐԳԱՎՈՐՈՒՄՆԵՐ.

• Ոսպնյակի բացվածքը պետք է ամենափոքր չափով կարգավորվի (f/32-ը 60մմ-ի վրա):
• Ինքնակենտրոնացում. Ոսպնյակի վրայի A-M ռեժիմի օղակը պտտեցրեք, մինչ սեղմում եք A-M ռեժիմի օղակի թողարկման կոճակը՝ ինքնակենտրոնացման համար ընտրելով A-ն:

ՏԵՍԱԽՑԻԿԻ ԿԱՐԳԱՎՈՐՈՒՄՆԵՐ. Նշում.Վերանայեք տեսախցիկի տեղեկագիրքը և հատկապես էջ 1-7-ը՝ կարգաբերման և կարգավորումների որոնման վերաբերյալ օգնություն ստանալու համար, ինչպես նաև տեսախցիկին ծանոթանալու համար:

• ISO – 100
  
• Բացվածք – Կարգավորված է f/8-ից f/11-ի: Ոսպնյակը դիաֆրագմով մթացրեքլ, այսինքն նվազեցրեք բացվածքի չափը, մեծացրեք դաշտի խորությունը (որքան շատ է առարկայի խորությունը կամ հեռավորությունը տեսախցիկից, մնում է կենտրոնացման մեջ): Ավելի նեղ բացվածքը կարող է բարելավել ընդհանուր սրությունը:
• Փականի արագությունը՝ վայրկյանի 1/60-րդը (կամ ավելի արագ, ինչպես օրինակ՝ վայրկյանի 1/125-րդը կամ 1/250-րդը. Սկսեք 1/60-րդից և կարգաբերեք, երբ խափանաշտկում եք): Մի գերազանցեք վայրկյանի 1/250-րդը, երբ օգտվում եք«Off Camera Flash» համակարգից:
  
• Սպիտակի հավասարակշռություն՝ 5000Կ կամ լուսարձակում (լուսավորման կայծակի նշան)
• Պատկերի ձևաչափ.նկարեք RAW, այլ ոչ թե RAW + JPEG ձևաչափում (ածանցյալներն ստեղծվում են կորզումից հետո):

Կարգավորեք եռոտանին և տեսախցիկը.

• Կարդացեք եռոտանու և եռոտանու գլխիկի համար նախատեսված ցուցումները, որպեսզի հասկանաք դրանց հատկությունները և հնարավորությունը:
• Եռոտանու ոտքերը հավասար լայնությամբ երկարաձգելուց և այն հավասար մակարդակի, կայուն մակերեսի վրա բերելուց հետո եռոտանու գլխիկը եռոտանուն կցեք : Սա կատարվում է եռոտանու գլխիկի ծայրը եռոտանու միացման պնակի մեջ պտտեցնելով:
• Տեսախցիկի պնակն անջատեք եռոտանու գլխիկից: Պնակը տեսախցիկի մեջ զետեղեք՝ մետաղադրամի կամ տափակ գլխիկով պտուտակահան գործածելով՝ ամրացնելու համար: Նշում. Նայեք եռոտանու պնակի տակ՝ տեսնելու «ՈՍՊՆՅԱԿ» ցուցիչը:«ՈՍՊՆՅԱԿ»-ը պետք է շարված լինի/ցույց տա դեպի տեսախցիկի ոսպնյակը:
• Միացրեք տեսախցիկը եռոտանուն՝ եռոտանու արագ զատման պնակով :Պնակի մեջ նախ զետեղեք «ոտքը», այնուհետև տեսախցիկը և պնակը իջեցրեք մի անկյունի, մինչև որ պնակն իր դիրքի մեջ տեղավորվի: Արագ զատման բռնակը Ձեր կողմից նկար կնկարի, երբ տեսախցիկը իր տեղում կարգավորվի:
• Դիտանի միջով նայեք և դիրքավորեք եռոտանին և տեսախցիկը՝ նյութեր ստեղծագործելու, որպեսզի բոլոր 4 կողմերում փոքրիկ հավելյալ տարածք մնա: Սա թույլ է տալիս եզրատում կատարել հետ մշակման փուլում: ⚠ ՆՇՈՒՄ. Եթե Դուք եռոտանու կենտրոնական սյունը հորիզոնական դիրքով եք օգտագործում Ձեր իրերի վերևում, ՀԱՄՈԶՎԵՔ, որ եռոտանին ապահով կերպով հարմարեցված է, որպեսզի տեսախցիկի և եռոտանու գլխիկի ծանրությունը դրա շրջվելու պատճառ չդառնան:
• Տեսախցիկի սենսորն ուղղանկյուն է, ուստի նյութերն այնպես կարգաբերեք, որպեսզի կորզման առավելագույն տարածք լցվի: Երբեմն հնարավոր է, որ Դուք ստիպված լինեք տեսախցիկը կամ նյութերը շրջել՝ շրջանակը լցնելու համար:
• Ստուգեք, որ եռոտանին հավասարապես կարգավորվել է՝ հիմնվելով հավասարեցման մակարդակի վրա:
• Տեսախցիկը և նյութերը պետք է հնարավորինս զուգահեռ լինեն՝ աղավաղումից խուսափելու համար:
  • Դիտանի միջոցով նայեք՝ համոզվելու, որ նյութերը ուղղագիծ են, այլ ոչ թե սեղանակերպավոր:
  • Դիտանում օգտվեք վանդակի տեսարանից:
  • Պատկերի կորզումից հետո պատկերը վերանայեք համակարգչում՝ համոզվելու, որ պատկերը ուղղագիծ է, այլ ոչ թե սեղանակերպավոր:
• Օգտվեք երիզից՝ հատակին նշաններ դնելու այն տեղերում, որտեղ եռոտանու ոտքերը տեղակայված են՝ հեռավորության կայունություն պահպանելու համար:
• Զսպանակեռիկը կցեք ինչ-որ տեսակի պայուսակի կամ կշռի և կախեք եռոտանուց (կախելու համար նախատեսված օղակ կա), որպեսզի եռոտանու կշիռը դեպի վար և կայուն լինի:

Լուսավորության կարգավորում

Լուսերը կարգավորեք

1. Կարդացեք «Profoto B2 250 Air» տեղայնացման լրակազմի և «Air Remote TTL-N»-ի ցուցումները:
2. Համոզվեք, որ մարտկոցը լիցքավորված է (Լիցքավորիչը ներառված է լրակազմում: Մարտկոցը տեղադրված է փաթեթի ամենաներքևում և կարող է դուրս հանվել՝ լիցքավորելու համար):
3. Կարգավորեք լույսերի կանգնակները:

• Կանգնակները հակառակ կանգնակներ են: Լայն հիմք պահպանեք, որպեսզի դրանք չշրջվեն:
• Երբ երկարաձգում եք լույսի կանգնակները, նախ երկարաձգեք ամենաներքևից՝ նախքան ավելի նեղ երկարացումներ կատարելը:
• Օգտվեք նկարչի պնակից՝ նշելու կանգնակի դիրքերը: Կանգնակները 45 աստիճան անկյամբ կարգավորեք (տե՛ս օրինակը):

4. Լուսարձակման գլխիկները կցեք լույսի կանգնակներին՝ խնամքով և երաշխավորելով, որ լուսարձակման գլխիկը ողղակիորեն մեկ ոտնաչափ վեր է կանգնակից՝ նվազեցնելու շրջվելու վտանգը: Ամրացրեք լուսարձակման գլխիկը, որպեսզի լուսավորման կանգնակը ապահով լինի:
5. Փափուկ տուփեր պատրաստեք՝ ձողաքանոնի գույնը արագության օղակների գույներին համապատասխանեցնելով համար (կապույտ կետեր):

• Համբերատար եղեք:
• Ձողաքանոնները նախատեսված են կորացնելու համար, բայց փորձեք ձողաքանոնի վրա շատ ուժ չգործադրել:
• Սկսեք մեկ ձողաքանոնով, այնուհետև անցեք դիմացի ձողաքանոնին: Երբ որ բոլոր ձողաքանոնները ճայթյունով մտնեն, փափուկ տուփը պետք է որ ամբողջական քառակուսի ձև ունենա:

6. Լուսարձակման գլխիկներին փափուկ տուփերն ամրացրեք:

• Մեղմորեն շարժեք լուսարձակման գլուխները արագության օղակներում, դեպի ներքև, մոտ արագության օղակի սեղմիչին ՝ ամրացնելու համար:

7. Ստուգեք, որ լուսավորման մարտկոցի տուփն անջատված է:

• Լուսարձակման գլխիկի լարերը կապակցեք մարտկոցի տուփին: Նշում. լուսարձակման գլխիկները երբեք մի միացրեք կամ անջատեք, երբ մարտկոցի տուփը միացած է:
• Լարերը պետք է միացվեն, այնուհետև միանան և կողպվեն:

8. Միացրեք մարտկոցի տուփը: Մարտկոցի տուփի կարգավորումներ.
9. Լուսավորման մարտկոցի տուփի մեջ յուրաքանչյուր լուսարձակման գլխիկի լուսարձակման հոսանքը կարգավորեք միևնույն արտածմամբ: Սկսեք «8»-ով, բայց հնարավոր է, որ Դուք կարիք ունենաք կարգաբերելու՝ հիմնվելով ստուգիչ պատկերների վրա:
10. Մարտկոցի տուփի կապուղի կարգավորեք՝ օգտվելոք «Կարգավորել» կոճակից ("Set"): Սա հավանաբար կկարգավորվի «1»-ին: Ցանկացած կապուղի բարձրորակ է, բայց Դուք պետք է համապատասխանեք «TTL Flash Remote Setup» կապուղուն՝ հաջորդ քայլում:

TTL Flash Remote Setup

1. Տեսախցիկին միացրեք անլար TTL լուսարձակման կառավարման վահանակը տեսախցիկի «տաք կոշիկին»՝ այն կողպելով տեղակայելով՝ պտտեցնելով կողպեքի օղակը «Air» հեռակառավարման վահանակի հենակետում:Նշում. «Տաք կոշիկը» տեսախցիկի ամենավերին հատվածի մետաղական հատվածն է, որտեղ լուսարձակման հեռական սահում է ներս և կապվում է՝ կորզման ողջ ընթացքում (տե՛ս ստորև տրված նկարը):
   
2. Միացրեք լուսարձակման հեռական՝ օգտագործելով «ՄԻԱՑՆԵԼ» ( "ON") կոճակը:
3. Սեղմեք լուսարձակի հեռակայի «ԿԵՐՊ» ("MODE") կոճակը՝ ցուցադրման ժամանակ կերպը «MAN»-ի այլ ոչ թե «TTL»-ի կարգավորելու համար:
4. Նշում.Լուսարձակման հեռական երբեմն ննջելու ռեժիմի մեջ է մտնում, երբ մի քանի րոպե չի օգտագործվում, պարզապես կրկին միացրեք լուսարձակման հեռական և կերպը վերակարգավորեք «MAN»-ի:

Կարգավորեք տեսախցիկի ֆոկուսը

1. Օգտվեք դիտանից՝ նայելու նյութերին և հնարավորինս հստակ կարգաբերելու ֆոկուսը:
2. Բացեք ուղիղ տեսարանը LCD ցուցադրմամբ և մոտեցրեք այն որևէ տեքստի կամ տարբերակող գծերի և կարգաբերեք ֆոկուսը, մինչև որ դրանք հնարավորինս հստակ երևան: Նշում. Դուք չեք մոտեցնում ոսպնյակները, այլ ՄԻԱՅՆ ուղիղ տեսարանը՝ ֆոկուսը գտնելու համար:
3. Կիզակետային օղակն իջեցրեք ներքև, այնպես, որ ֆոկուսը չփոխի ողջ ընթացքում արվող կորզումը, հատկապես երբ ներքևն է նկարվում (կիազկետային օղակները հակում ունեն շարժվելու):

Միացրեք փականի անջատիչի մալուխը

Նշում. Փականի անջատիչը կողպեք ունի: Նախքան արձակելն ապակողպեք: Փականը կարող է աշխատեցվել համակարգչի հետ, երբ տեսագրումը կապակցված է:

Բացեք դյուրակիր համակարգիչը և«Lightroom»-ը:

1. Միացրեք և մուտք գործեք դյուրակիր համակարգիչ:
2. Տեսախցիկը կապակցեք դյուրակիր համակարգչին՝ USB3 միացման մալուխով:
3. Բացեք«Lightroom»-ը:

• Նոր կատալոգ ստեղծեք, համապատասխանաբար անուն տվեք: Հիշեք, որ սա կատալոգ է «Lightroom»-ում և այն կարող է բազմաթիվ աշխատաշրջաններ պարունակել:Սեղմեք File > Tethered Capture > Start Tethered Capture ընտրանքը:
• «Lightroom»-ն ինքնաբերաբար կգտնի օգտագործման մեջ եղող տեսախցիկը: Տուփ կբացվի, որտեղ կասվի, որ Nikon D810-ն օգտագործվում է:
• Անվանում տվեք այն աշխատաշրջանին, որում ներկա եք այդ պահին՝ ամսաթվով (առաջարկվում է) կամ հավաքական անունով և աշխատաշրջանի համարով:
• Կարգավորեք Ձեր ֆայլի անվանման փոխարկումը «Naming» (Անվանում) բաժնում: Դուք կարող եք ընտրել գոյություն ունեցող ձևանմուշներից որևէ մեկը, այնուհետև ընտրել «Edit» (Խմբագրել)՝ ձևանմուշի ներքև սահող ցանկից՝ սովորական անվանմամբ ձևանմուշ ստեղծելու համար:

ՍԿՍԵՔ ԿՈՐԶԵԼ

Ստուգեք լուսարձակման կարգավորումները

1. Պատկեր նկարեք. ցանկալի է՝ օգտագործելով հեռակա փականի անջատիչը կամ այն կոճակը, որը մատչելի է«Lightroom»-ում, որպեսզի տեսախցիկը չշարժվի:
2. Պատկերը վերանայեք «Lightroom»-ում:

• Մոտեցրեք պատկերը. Մասնիկները ֆոկուսի մե՞ջ են:
• Նայեք Հիստոգրամը. Պատկերը շա՞տ մութ կամ շատ բաց է:
  • Հիստոգրամը պետք է հավասարապես բաշխվի՝ առանց չափազանց շատ տեղեկատվության աջ կամ ձախ աղավաղվելու: Եթե բարձրությունները շատ հեռու են դեպի աջ կողմը, ապա պատկերն ավելի մութ կերևա, քան այն պետք է լիներ, իսկ եթե բարձրությունները շատ հեռու են դեպի ձախ կողմը, ապա պատկերը պետք եղածից ավելի բաց գույնի կլինի:
  • Մարտկոցի տուփի արտածումը կարգաբերելու կարիք կարող է լինել այս փուլում՝ կամ ավելի շատ կամ քիչ լուսավորություն տրամադրելու՝ կախված հիստոգրամից: Կարգաբերեք և խափանաշտկեք, մինչև որ հիստոգրմանը հավասարապես բաշխվի:

Նկար նկարեք՝ գույնը հղման թիրախով

1. Հղման թիրախող լուսանկարը պետք է արվի յուրաքանչյուր աշխատաշրջանի սկզբում, երբ լուսավորման պայմանները կամ դրան ենթարկվելու կարգավորումները փոխվել են կամ երբ նյութերը, որոնք նկարվում են, շատ տարբեր են չափերով կամ տեսակով:
2. Թիրախն ուղղակիորեն դրեք այս առարկայի մակերեսին, որը պետք է թվայնացվի:
3. Հղման թիրախը պետք է լուսանկարվի ճիշտ այդ նույն լուսավորմամբ, որը կօգտագործվի նյութերը լուսավորելու համար: Խուսափեք ստվերներից և մի ծածկեք գույների նմուշները թիրախի վրա, երբ թիրախը բռնած եք նյութերի դիմաց:

Շարունակեք նկարներ նկարել և դրանք ստուգել «Lightroom»-ում

1. Շարունակ համեմատեք պատկերները՝ համապատասխան հիստոգրամի հետ՝ հավասարապես բաշխված լույսը երաշխավորելուհամար:
2. Մշտապես աչքի առջև ունեցեք տեսախցիկի, լուսավորման մարտկոցի տուփի, դյուրակիր համակարգչի և լուսարձակման հեռակայի լիցքավորվածության մակարդակները:

Հետկորզման խափանում

• Լուսարձակման գլխիկները երբեք մի անջատեք մարտկոցի տուփից, երբ մարտկոցի տուփը միացած է:
• Անջատեք մարտկոցի տուփը և հետո լիցքաթափեք մնացած հոսանքը՝ օգտվելով մարտկոցի տուփի ամենավերևում գտնվող սպիտակ կոճակից:
• Փափուկ տուփերի սպիտակ մասերը մաքուր և սպիտակ պահեք՝ առավելագույն օգտագործման համար:

Հետկորզման մշակում

Կորզման ժամանակ «Lightroom»-ի պատկերները կլինեն «RAW» ձևաչափով:Հետկորզման փոփոխություններ կատարելու լավագույն ձևը այն RAW ֆայլում անելն է: Երբ բոլոր փոփոխությունները/խմբագրումներն արվեն, ֆայլը կարող է արտահանվել TIFF-ի կամ JPEG-ի՝ դրանք ավելի գործունակ դարձնելով հավելվածներում:

Մշակումը ներառում է հետևյալը.

1. Եզրահատում/աղավաղում

• Գլխավոր պատկերների համար նկարի շուրջ ⅛" թողեք:
• Օգտվեք «Lightroom»-ի կամ «Photoshop»-ի գործառույթներից՝ անհրաժեշտության դեպքում պատկերը ուղղելու համար:

2. Գույնի շտկում.

• Օգտվեք «XRite Color Checker» ծրագրաշարից և հղման պատկերներից՝ շտկելու գույնը և գույնի հատկագրեր կիրառելու համար (տե՛ս «XRite Color Checker» տեղադրելու մասին ցուցումների բաժինը):

3. Ստեղծեք ածանցյալները.

• Գլխավոր ֆայլերն արտահանեք TIFF ձևաչափով, այլ ածանցյալներն արտահանեք, ինչպես անհրաժեշտ է:
• Տարլուծում ընտրեք՝ արտահանելու համար (300 - 600 ppi)

4. Աշխատանքը պահուստավորեք.

• Խորհուրդ է տրվում, որ աշխատանքն արտացոլվի կոշտ սկավառակում, երբ հնարավոր է:

5. Ֆայլերը TIFF կամ JPEG ձևաչափով արտահանեք:

Ֆայլի պատրաստման հրահանգները մեկ հայացքից

• Ֆայլի ձևաչափ գլխավոր պատկերների համար՝ TIFF
• Ֆայլի ձևաչափ ածանցյալների համար՝ JPEG կամ PDF/PDFa
• Արտածման տարլուծում՝ 300 - 600ppi
• Բիփի խորություն՝ 8 բիթ յուրաքանչյուր կապուղու համար (ընդհանուր առմամբ 24 բիթ)
• Գույն. RGB գունանշումները չպետք է գերազանցեն 250 - 250 – 250-ը, ստվերները չպետք է 5 - 5 – 5-ից ցածր լինի. Այս տեղեկատվության համար ստուգեք հիստոգրամը:
• Գույնի տարածքը՝ sRGB կամ Adobe RGB 1998

Պատկերի որակի վերահսկման հուշումներ

Հետևյալը որակի վերահսկման հսկիչ-կետերի պարզեցված ցանկն է՝ թվայնացման ընթացքում և դրանից հետո ի նկատի ունենալու համար:Ստուգեք հետևյալը.

• Ձևաչափը. Յուրաքանչյուր պատկեր ճիշտ ձևաչափում է.
• Սեղմում. Ֆայլերը սեղմված են կամ անսեղմված են թողնված՝ ըստ ծրագրի ցուցումների
• Բիթի խորություն. Բիթի ճիշտ խորությունն ընտրվել է (ստուգել անդրտվյալները «Lightroom»-ում)
• Տարլուծում. 300 - 600 ppi, 400 ppi և մինչև OCR նպատակների համար (ստուգեք անդրտվյալները «Lightroom»-ում)
• Գույն. Արտածման գույնը սերտորեն համապատասխանում է նյութի իրական գույներին, ճիշտ գույնի կերպն ընդունվել է:
• Կողմնորոշում. Բոլոր պատկերները ճշգրտորեն կողմնորոշված են, աղավաղման կամ համամասնության ոչ մի անկանոնություն չկա:
• Ոչ մի ֆիզիկական խնդիր. Ոչ մի աղտոտություն, փոշի և այլն, որը կխափանի միավորի տեսարանը:
• Ոչ մի թվային արհեստածին իրեր. Ոչ մի ցոլք, ոսպնյակի ոչ մի փայլատակում և այլն:
• Էջերի դասավորություն. Հետևեք էջերի դասավորությանը, երբ սկանավորում եք, ինչպես նաև ստուգեք փորձանմուշի չափը՝ սկանավորման գործընթացի ավարտին
• Եզրատում.պատկերները պատշաճ կերպով եզրատվել են. (լռելյայն = 1/8 դյույմ բոլոր կողմերից) կամ ըստ ծրագրի ցուցումների:

Ֆայլի անվանում և թղթապանակի կառուցվածք

Լավագույն գործելակերպեր

Լավ կազմակերպված կառուցվածքները և ֆայլի անվանումները դյուրացնում են Ձեր տվյալներին հետևելը: Երբ ֆայլերն անվանում և դասավորում եք, Դուք պետք է հետևողական պատկերավոր կերպով հնարավոր դարձնեք առանձնահատուկ տվյալներ գտնել և իմանաք, թե ինչ են պարունակում ֆայլերը և ինչ կարգավիճակ ունեն: Հստակ տեղեկատուի կառուցվածք կարգավորեք, որը ներառում է տեղեկություններ, ինչպիսիք են՝ ծրագրի վերնագիրը, ամսաթիվը, և եզակի նույնացուցիչի որոշ տեսակներ: Անհատական տեղեկատուները կարող են կարգավորվել ըստ ամսաթվի, հետազոտողի, փորձարարական անցկացման կամ որևէ կատեգորիայով, որը Ձեզ ամենախելամիտն է թվում՝ Ձեր և Ձեր գիտական կարիքների համար:

Տվյալների կառուցումը

Ուշադիր մտածեք, թե ինչպես լավագույնս պետք է կառուցեք Ձեր տվյալները՝ Ձեր ծրագրի ամենավաղ փուլից սկսած: Սա հատկապես կարևոր է, երբ Դուք մի շարք համագործակցողներ ունեք կամ ծրագրում եք Ձեր տվյալները համօգտագործել: Մտածեք, թե արդյոք Դուք խորը, թե՞՝ մակերեսային ստորադասման կարիք ունեք: Մակերեսային ստորադասման նպատակը

Տվյալների կառուցվածքների որոշ օրինակներ ներառում են դասավորում հետևյալով՝

• տվայլների տեսակներով (տեքստ, պատկեր, ձայնային ֆայլեր և այլն)
• հետազոտական աշխատանքներ (հարցազրույցներ, հարցումներ, ֆոկուս խմբեր և այլն)
• նյութեր (տվյալներ, փաստաթղթեր, հրապարակումներ և այլն):

Ֆայլի անվանում

Ֆայլի փոխարկման համար տե՛ս՝ «Ֆայլի անվանումը և կազմակերպում» ուղեցույցը՝ https://uclalibrary.github.io/ideptoolkit/filenaming.html

Այլ հուշումներ

Տեղեկատուի մեջ README.txt ֆայլ ներառեք, որը կբացատրի անվանման Ձեր ձևաչափը՝ որևէ հապավման կամ գաղտնագրերի հետ միասին, որոնք Դուք օգտագործել եք: Այս փաստաթղթերը կօգնեն Ձեզ՝ և՛ ծրագրի կամ փորձի ընթացքումև՛ նաև ապագայում:

«XRITE Color Checker» ծրագրաշարի օգտագործումը՝ Թվային բացասական և «Lightroom»-ի գունային հատկագիր ստեղծելու համար

Նշում. «Read Me» փաստաուղթը, որը տրվում է ծրագրաշարի հետ, քայլ առ քայլ ցուցումներ է տրամադրում:

1. Զետեղեք սկավառակը:
2. Տեղադրեք ծրագրաշարը:
3. Օգտագործելով «Lightroom»-ը պահեք պատկերը, որը «Color Checker Passport» է պարունակում տեսարանում՝ որպես .DNG:
4. Բացեք DNG հղման պատկերը «Color Checker Passport» ծրագրաշարում:
5. Ծրագրաշարն ինքնաբերաբար կգտնի գունային նմուշները:
6. Սեղմեք «Create Profile»-ը (ստեղծել հատկագիր)՝ պահելու համար: Համապատասխանաբար անվանեք, որպեսզի այն հնարավոր լինի ճանաչել որպես հղման ֆայլ:
7. Ծրարաշարը կպահի որպես .DCP ֆայլ (սա գույների շտկման Ձեր հատկագիրն է):
8. Վերագործարկեք «Lightroom»-ը՝ .DCP ֆայլը կիրառելու համար:
9. Անցում կատարեք «Lightroom»-ի Զարգացման կերպ:
10. Կողքի վահանակում պտտեցրեք դեպի ներքև՝ մինչև Տեսախցիկի տրամաչափում: Այս պատուհանին սեղմեք իջնող պատուհանը, որը «Profile»-ի (Հատկագիր) կողքն է:
11. Հատկագիրը, որը Դուք ստեղծել եք, պետք է երևա այդ ցանկում: Սեղմեք՝ ընտրված պատկերի վրա կիրառելու համար: Դուք նաև կարող եք ընտրել բոլոր պատկերները, որոնք արվել են նույն լուսավորման պայմաններում, ինչպես հղման պատկերը և հատկագիրն է կիրառվել բոլորի վրա:
12. Եթե«Color checker» ծրագրաշարը մատչելի կամ գործածության ենթակա չէ, Դուք դեռ կարող եք օգտվել գույնի հղման թիրախից՝ սպիտակով հավասարակշռելու պատկերը:
13. Անցում կատարեք «Lightroom» -ի զարգացման կերպ: Սպիտակի հավասարակշռման ներքո սեղմեք աչքի փողիկը (eyedropper): Օգտվեք աչքի փողիկից՝ ընտրելու գույնի հղման թիրախի սպիտակ հատվածը, իսկ դա ճշգրտորեն կկարգաբերի սպիտակի հավասարակշռությունը: